Իրանի արտգործնախարար Ջավադ Զարիֆը իր ռուս գործընկեր Սերգեյ Լավրովի հետ հեռախոսազրույցի ժամանակ հաստատել է տարածաշրջանում ահաբեկչության դեմ պայքարի համար ՌԴ ջանքերին աջակցելու Թեհրանի պատրաստակամությունը։ Հեռախոսազրույցը կայացել է իրանական կողմի նախաձեռնությամբ նոյեմբերի 24-ին։
«Զրույցի ժամանակ իրանական կողմը ցավակցություն է հայտնել Սիրիայում Սու-24 օդանավը խոցելու կապակցությամբ եւ հայտնել է տարածաշրջանում ահաբեկչության դեմ պայքարի եւ միջսիրիական քաղաքական երկխոսության հասնելու համար ՌԴ ջանքերին աջակցելու Թեհրանի պատրաստակամությունը։ Երկու գերատեսչությունների ղեկավարները հաստատել են տարածաշրջանային հակամարտություններում՝ առաջին հերթին Սիրիայի ճգնաժամում, գործողությունները հետագայում նույնպես համակարգելու անհրաժեշտությունը»,- հայտնել են ՌԴ ԱԳՆ-ից, փոխանցում է «ՌԻԱ Նովոստի»-ն։