Թուրքիայի հարցերը պետք է լուծել, եւ պետք է դա անել ուրիշի ձեռքերով: Հայերը վաղուց են ատում թուրքերին, եթե մենք թույլ տանք նրանց ազատագրել իրենց արեւմտյան տարածքները, նրանք հաճույքով դա կանեն: Հայերն արդեն դա արել են 1918 թվականին, սակայն այն ժամանակ Մոսկվան չօգնեց, նա անցավ Թուրքիայի կողմը: Այս մասին հայտարարել է Ռուսաստանի լիբերալ դեմոկրատական կուսակցության առաջնորդ Վլադիմիր Ժիրինովսկին ռուսական «Ռոսիա-1» հեռուստաալիքով «Երեկոն Վլադիմիր Սոլովյովի հետ» հեռուստաբանավեճի ժամանակ:
«Քրդերը սպասում են մեր օգնությանը, եթե մենք քրդերին ասենք, որ ճանաչում ենք իրենց անկախությունը, իսկ նրանց թիվը, ինչպես հայտնի , հասնում է 20 մլն-ի, իսկ մայրաքաղաքն արդեն հայտնի է՝ Դիարբեքիրն է: Այսպիսոբ, Արեւելյան Անատոլիան կդադարի գոյություն ունենալ որպես այդպիսին:
Արդյունքում մենք կունենանք անկախ Քուրդիստան եւ Մեծ Հայաստան»,-հայտարարել է Ժիրինովսկին: