Լիբերիայում մահացու Էբոլա վիրուսով վարակի երեք նոր դեպք է արձանագրվել: Այս մասին հաղորդել է Առողջապահության համաշխարհային կազմակերպությունը:
ԱՀԿ տվյալներով, խոսքն ընտանիքի մասին է, որտեղ նախ հիվանդացել է 15-ամյա տղան, ինչից հետո վիրուսը հայտնաբերվել եւ հաստատվել է նրա 8-ամյա եղբոր եւ 40-ամյա հոր մոտ: Բոլորին մեկուսացրել են:
Բժիշկներին հաջողվել է բացահայտել նաեւ 149 անձի, այդ թվում՝ 10 բժշկի, որոնք կարող էին կապ ունենալ հիվանդների հետ:
Էբոլա տենդի բռնկումը գրանցվեց 2014 թվականի փետրվարին, Գվինեայում, այնուհետեւ վիրուսը տարածվեց հարեւան Սիերա Լեոնեում եւ Լիբերիայում: Ընդհանուր առմամբ, համաճարակի սկզբից ի վեր այդ հիվանդությունից ավելի քան 11 մարդ է մահացել, եւս 28 հազար հոգի վարակվել է:
