Ինտերպոլի տվյալների բազայում տեղեկություն է հայտնվել Սալահ Աբդեսլամի մասին, որին կասկածում են Փարիզի ահաբեկչությունների կազմակերպման մեջ: Համապատասխան տվյալները տեղակայված են կազմակերպության կայքում:

Հաղորդվում է, որ նրան որոնում են մի քանի մեղադրանքով: Այդ թվում՝ զենքի վաճառք, հանցավոր միավորման անդամակցություն, պայթուցիկ նյութերի տեղափոխում: Կայքում տեղադրված է նրա լուսանկարը՝ կից հասակի, մազերի եւ աչքերի գույնի մասին տեղեկություններով, փոխանցում է Gazeta-ն: