Հայաստանում կկանոնակարգվեն ոչ կանոնավոր ուղեւորափոխադրումները: «Ավտոմոբիլային տրանսպորտի մասին» օրենքում համապատասխան փոփոխությունների փաթեթը ու առընթեր օրինագծերը հաստատվել են Կառավարության նոյեմբերի 26-ի նիստի ընթացքում:

Արգելվելու են ոչ կանոնավոր (որոնք չեն պահանջում ուղեւորությունից առաջ վարորդի բուժզննում, մեքենայի տեխզննում ու ուղեւորությունների հստակ ժամանակացույց) ավտոբուսային ու միկրոավտոբուսային միջազգային ուղեւորափոխադրումները:Դրանք կթույլատրվեն միայն այն դեպքերում,երբ փոխադրումներն ի սկզբանե անկանոն են (օրինակ զբոսաշրջային խմբերի փոխադրումները, որոնք իրականացվում են ըստ պահանջի):

Որպեսզի ոչ կանոնավոր փոխադրողների անվան տակ չգրանցվեն սովորական ավտոբուսային ընկերությունները, անկանոն փոխադրողին թույլատրվում է մեկնման վայր վերադարձնել միայն այն ուղեւորներին, որոնց տարել է: Նոր ուղեւորների քանակը չի կարող գերազանցել յուրաքանչյուր 10 ուղեւորից մեկը հարաբերակցությունը: Օրինագծերը պետք է «սթափեցնեն» ոչ պատշաճ տեխսպասարկում ու բարձր ռիսկեր ունեցող ավտոբուսային ընկերություններին:

Էկոնոմիկայի նախարարի գլխավորած պատվիրակությունը կմասնակցի հայ-լիտվական միջկառավարական