Հայաստանի Առողջապահության նախարարությունը արգելք է դրել դեղերի գովազդի չհամաձայնեցված տեքստերի վրա: Այդ մասին որոշումը կայացվել է Հայաստանի Կառավարության նոյեմբերի 26-ի նիստին:
Հիշեցնենք, որ 2010-ին Կառավարությունը դեղերի եւ բուժտեխնիկայի գովազդի տեքստերն ազատել էր համաձայնեցման անհրաժեշտությունից: Այնուամենայնիվ, Առողջապահության նախարարության դիտարկումների համաձայն, դա հանգեցրել է անբարեխիղճ գովազդի դեպքերի աճի, ինչը դեղերի դեպքում հատկապես վտանգավոր է: Այսուհետ գովազդում պետք է նշվեն Առողջապահության նախարարության կողմից գովազդի թույլտվության համարը եւ թիվը: Հիվանդների կարծիքները չեն կարող մեջբերվել: Արգելված է «հրաշք-դեղամիջոցների» գովազդը, այսինքն` բուժման այնպիսի միջոցների, որոնք բժշկական անհիմն արդյունքներ են առաջարկում կամ էլ այնպիսի հիվանդությունների իսպառ վերացում, որոնք ժամանակակից բժշկությունը լիովին բուժելի չի համարում: Եթե գովազդվող բուժտեխնիկան հրահանգների հետ ծանոթացում է պահանջում, գովազդում պիտի հիշատակվի դա:
