Մեծ Բրիտանիայի ազգային շահերից է բխում Սիրիայում ռազմական գործողություն սկսելը: Այս մասին հայտնել է Մեծ Բրիտանիայի վարչապետ Դեւիդ Քեմերոնը՝ խորհրդարանում պատասխանելով Համայնքների պալատի միջազգային հանձնաժողովի հարցերին, փոխանցում է ՏԱՍՍ-ը:
«Մեր ազգային շահերից է բխում Սիրիայում գործողություններ ձեռնարկել»,- ասել է նա:
Թագավորության վարչապետը հավելել է, որ «Իսլամական պետություն» ահաբեկչական խմբավորումը անմիջական սպառնալիք է ներկայացնում Մեծ Բրիտանիային:
«Վերջին շաբաթներին այդ սպառնալիքը միայն աճել է: Հենց այդ պատճառով մենք պետք է մասնակցենք այդ խմբավորման ոչնչացմանը»,- ասել է Քեմերոնը:
