Ադրբեջանի ՆԳՆ-ն եւ Գլխավոր դատախազությունը հայտարարություն են տարածել Բաքվից 30 կմ հեռավորության վրա գտնվող Նարդարան ավանում տեղի ունեցած միջադեպի կապակցությամբ հայտարարություն է տարածել:
«Զինված արմատական իսլամիստական խումբը մի շարք սադրանքներ, ահաբեկչություններ եւ զանգվածային անկարգություններ էր պատրաստում: Խումբը վնասազերծելու նպատակով ՆԳՆ-ն անհրաժեշտ միջոցներ է ձեռնարկել: Պարզվել է, որ Թալե Բաղիրովը, Էլման Աղաեւը, Զուլֆուգար Միքյաիլովը եւ Աբուլֆազ Բունյաթովը պլանավորում էին բռնի ուժով փոխել երկրում սահմանադրական կարգը եւ շարիաթի օրենքներ հաստատել: Այդ կապակցությամբ նրանք ստեղծել էին «Մուսուլմանական միասնություն» շարժումը: Նրանք համախոհներ էին հավաքագրում եւ զենք մատակարարում նրանց»,- ասված է հաղորդագրության մեջ: Բացի այդ, պարզվել է պետական պաշտոնյաների ցուցակը, որոնց դեմ ահաբեկչություններ էին կազմակերպվում: Խոմբը վնասազերծելու համար Նարդարանում նոյեմբերի 26-ին հատուկ գործողություն է իրականացվել: Զինված անձինք դիմադրություն են ցույց տվել եւ նռնակներ նետել: Ոստիկանների վրա կրակ բացած անձանցից 4-ը սպանվել են, մի քանիսը վիրավոր են: Սպանվել է նաեւ 2 ոստիկան:
Կալանավորվել է 14 մարդ: Հարուցվել է քրեական գործ: