Հունական ոստիկանությունը ձերբակալել է անարխիստների «Ռուբիկոն» կազմակերպության յոթ ակտիվիստի, որոնք նոյեմբերի 25-ին ներխուժել էին Աթենքի մոտ գտնվող` Գերմանիայի դեսպանի նստավայրի տարածք գրում է Kathimerini թերթը:
Տասը երիտասարդից կազմված խումբն անցել է նստավայրը շրջանակող պարսպի վրայով եւ սկսել է թռուցիկներ նետել ի պաշտպանություն Աֆրիկայի եւ Մերձավոր Արեւելքի ներգաղթյալների: Բացի այդ, ակտիվիստները պաստառ էին կախել փախստականներին պաշտպանող կարգախոսներով եւ եվրոպական առաջնորդների հասցեին մեղադրանքներով,գրում է Lenta-ն:
Ինչպես հաղորդում է Skai.gr հեռուստաալիքը` վկայակոչելով ոստիկաններին, Գերմանիայի դեսպանը գրոհից դեռեւս մի քանի ամիս առաջ այլ նստավայր էր տեղափոխվել: