Հանրաքվեին ընդառաջ ոստիկանության անձնագրային եւ վիզաների վարչությունում կադրային փոփոխությունները շարունակվում են։
NEWS.am-ին հայտնի է դարձել, որ այսօր՝ նոյեմբերի 25-ին, ազատվել է Անձնագրային եւ վիզաների վարչության Արտաշատի տարածքային բաժանմունքի ղեկավար էդիկ Ղազարյանը։ Նրա փոխարեն նշանակվել է նույն բաժնի աշխատակից Մարիամ Սարգսյանը։
Հարցին, թե կադրային փոփոխությունն առնչվո՞ւմ է դեկտեմբերի 6-ին սպասվող հանրաքվեի հետ, ոստիկանության լրատվական ծառայությունից միայն պատասխանել են, որ նախկին պետն ազատվել է սեփական դիմումի համաձայն։
Նշենք, որ մոտ մեկ ամիս առաջ փոխվեց նաեւ Անձնագրային եւ վիզաների վարչության պետը։