Իսպանիայի վարչապետ Մարիանո Ռախոյը չորեքշաբթի COPE ռադիոկայանի մարզական հաղորդումներից մեկի եթերում հանդես է եկել Մադրիդի «Ռեալի» եւ Դոնեցկի «Շախտյորի» միջեւ հանդիպման մեկնաբանի դերում, տեղեկացնում է «ՌԻԱ Նովոստին»:
Ծրագրին մասնակցում էր նաեւ Իսպանիայի վարչապետի 10-ամյա որդին` Խուանը: Երբ հաղորդավարը տղային հարցրել է, թե ինչ է մտածում իսպանացի հայտնի մարզական մեկնաբան Մանոլո Լամայի կողմից FIFA EA տեսախաղի մեկնաբանության մասին, վերջինս ասել է, թե մեկնաբանությունները «կարող էին ավելի լավը լինել, եթե չասենք, որ դրանք իսկական աղբ են: Ռախոյը սկզբում ծիծաղել է, իսկ հետո մի երկու անգամ թեթեւորեն հարվածել է տղայի վզակոթին:
