Ադրբեջանի նախագահի աշխատակազմի ղեկավարի տեղակալ, արտաքին կապերի բաժնի պետ Նովրուզ Մամեդովն իրեն խոշոր խաղարարի տեղ է դրել:
Ինչպես տեղեկացնում է ԱՊԱ-ն, վերոհիշյալ գործիչը Twitter-ի իր էջում գրել է. «Ադրբեջանը ցավում է, որ Թուրքիայի եւ Ռուսաստանի հարաբերություններն այսքան սրվել են: Թուրքիան մեր ամենամոտ դաշնակիցն է: Ռուսաստանը եւս մեզ մտերիմ, բարեկամական երկիր է»:
Փորձելով սեփական եւ օտար աչքերում բարձրացնել իր կարեւորությունը` Մամեդովը գրում է. «Ադրբեջանը շատ է ուզում, որ իր բարեկամների միջեւ դիմակայություն չլինի: Ադրբեջանը պատրաստ է իր ներդրումն ունենալ Ռուսաստանի եւ Թուրքիայի հարաբերություններում լարվածության լիցքաթափման գործում», - հավելել է Ն. Մամեդովը: