Universal Pictures Rus ընկերությունը YouTube-ում ներկայացրել է «Սմեշարիկի. Ոսկե վիշապի առասպելը» լիամետրաժ մուլտֆիլմի թրեյլերը։ Մուլտֆիլմը հիմնված է համանուն մուլտիպլիկացիոն սերիալի վրա։ Ժապավենի շնորհանդեսը կկայանա 2016թ. մարտի 17-ին։ Ֆիլմի հերոսներին սպասում են վտանգավոր արկածներ, ջունգլիների դաժան բնիկներ եւ դամբարաններ թալանողներ։

Ֆիլմի ռեժիսորը Դենիս Չերնովն է, որն աշխատել է նաեւ սերիալի բնօրինակի վրա։ Դերերը հնչյունավորել են Դմիտրի Նագիեւը եւ Գարիկ Խառլամովը։

Մուլտֆիլմի նախորդ լիամետրաժ ժապավենը՝ «Սմեշարիկի. Սկիզբը», լույս էր տեսել 2011թ.։