Nissan ընկերությունը չինական շուկայի համար թարմացրել է հեչբեքը։ Car News China պարբերականը հրապարակել է նմուշի լրտեսական լուսանկարները։ Ռեսթայլինգից հետո ամբողջությամբ փոփոխվել է նմուշի թափքի դիմային հատվածը։

Փոխվել են վերնամասի լուսարձակները, թափարգելը, կեղծ ռադիատորային ճաղաշարը եւ կապոտը։ Հետեւում նոր լուսարձակներ են հայտնվել։  

Լուսանկարներում ներկայացված նմուշը տարբերվում է նաեւ  «Տիդայի» ռուսական տարբերակից։ Օրինակ՝ դիմային եւ հետնամասի թափարգելների ձեւավորումը։ Ընդ որում, Չինաստանի համար թարմացված հեչբեքի օպտիկան եւ ՌԴ շուկայում վաճառվողը միանման են, տեղեկացնում է   Motor–ը։ http://motor.ru/

ՉԺՀ–ում Nissan Tiida–ն վաճառվում է երկու շարժիչով, որոնք մթնոլորտային եւ տուրբինային 1.6 հզորություն ունեն եւ համապատասխանաբար 126 եւ  190 ձիաուժ զարգացնելու կարողություն։ Թարմացումից հետո Չինաստանում «Տիիդայի» շարժիչային գունապնակը նույնը կմնա։ 

Նորացված նմուշի վաճառքը ՉԺՀ–ում կսկսվի  2016-ի առաջին եռամսյակում։