Նոյեմբերի 26-ին, ժամը 5.05-ին, ոստիկանության Երեւան քաղաքի վարչության օպերատիվ կառավարման կենտրոնից Շենգավիթի բաժնում հաղորդում է ստացվել, որ իրենց է զանգահարել 51-ամյա մի կին եւ հայտնել, որ Արտաշիսյան փողոցում գտնվող հյուրանոցային համալիրում հաճախորդը գողացել է իր գումարը:
Ոստիկանությունից NEWS.am-ին հայտնում են, որ մեկնած օպերատիվ խումբը, նշված հանցագործությունը կատարելու կասկածանքով, բերման է ենթարկել 36-ամյա Արթուր Ս.-ին եւ հրավիրել հիշյալ կնոջը:
Վերջինս հաղորդում է տվել, որ նույն օրը, ժամը 3-ին, հյուրանոցային համալիրի սենյակներից մեկում Արթուր Ս.-ն իր ներկայությամբ, իր կամքին հակառակ, սեղանից վերցրել է իր դրամապանակը, որի մեջ եղել է 15.000 դրամ, եւ հեռացել:
Կատարվում է հետաքննություն:
