Նոյեմբերի 26-ին ոստիկանության Մաշտոցի բաժնում հաղորդում է ստացվել, որ ժամը 21.50-ին «Օպել» մակնիշի ավտոմեքենան Երեւանի Գեւորգ Չաուշի փողոցի թիվ 12/3 շենքի մոտ վրաերթի է ենթարկել 21-ամյա Հրայր Զաքարյանին, ով հիվանդանոց տեղափոխվելու ճանապարհին մահացել է:
Ոստիկանությունից NEWS.am-ին հայտնում են, որ քննությունը վարում է Երեւան քաղաքի քննչական վարչությունը:
Shamshyan.com-ի փոխանցմամբ, Opel-ի վարորդ Սենեքերիմ Ե.-ն հիվանդանոցում եւ դեպքի վայրում ոստիկաններին հայտարարում էր, որ ինքը հետիոտնին վրաերթի չի ենթարկել, այլ իր ավտոմեքենային է բախվել ջիպանման ավտոմեքենա, որը մինչ այդ վրաերթի է ենթարկել հետիոտնին, ինչի պատճառով հետիոտնը շպրտվել է իր մեքենայի վրա, իսկ Ջիպի վարորդը դիմել է փախուստի:
Մահացածն աշխատում էր «Երեւան Սիթի» սուպերմարկետում՝ որպես բանվոր: