Հայաստանում հյուրատները օտարերկրյա զբոսաշրջիկներ հրապուրելու մեծ հեռանկարներ ունեն։ Այս մասին CerTour Ագրոտուրիզմի որակի հավաստագրման միջազգային համակարգը կիրառելու հարցով մամուլի ասուլիսի ժամանակ հայտնել է Հյուրատների զարգացման հայկական ասոցիացիայի ներկայացուցիչ Լուսինե Սմբատյանը։
Նա նշել է, որ դրա համար որակյալ ենթակառուցվածքային համակարգ է պետք կամավոր արտոնագրվելու համար։ Կառավարությունը դա հաստատել էր 2004թ.։ Սակայն ասոցիացիան չի բավարարվել դրանով եւ կազմել է սեփական չափանիշը։ Իհարկե հյուրատների մեծ մասը դրանց չի համապատասխանում, քանի որ դրանցից շատերը ձեւավորվում են սովորական գյուղական բնակելի տներից։
«Այդուհանդերձ մենք կարծում ենք, որ որոշակի որակի հասնել ամեն դեպքում հնարավոր է, եւ մենք կարող ենք մրցունակ դառնալ»,- ասել է նա։