Ուկրաինայի նախագահ Պյոտր Պորոշենկոն նոյեմբերի 27-ին Նիդեռլանդներում ուսանողների առջեւ ունեցած ելույթում հայտարարել է, որ Եվրոպան իր երկրի համար ազգային գաղափար է:
«Ուկրաինան այսօր Եվրոպայով է ապրում: Մենք պայքարում ենք եվրոպական արժեքների համար: Ուկրաինայի ապագան տեսնում ենք Եվրոպայի հետ միասին: Հավանաբար՝ սա վերջին վայրն է Երկրի վրա, որտեղ մարդիկ այդքան հավատում են Եվրոպային: Եվրոպան Ուկրաինայի համար ազգային գաղափար է»,- Պորոշենկոյի խոսքերն է մեջբերում «112 Ուկրաինա»-ն: