Փարիզի Ռուասի-Շառլ դե Գոլ օդանավակայանի ղեկավարությունն աշխատանքից ազատում է աշխատակիցների, որոնց կասկածում է ծայրահեղական հայացքներ ունենաու մեջ: Նոյեմբերի 13-ի ահաբեկչություններից հետո եւս 5 մարդու են ազատել աշխատանքից: Այս մասին հաղորդել է ոստիկանության պրեֆեկտ Ֆիլիպ Ռիֆֆոն:
Ընդհանուր առմամբ, Ֆրանսիայում տեղի ունեցած ահաբեկչություններից հետո մեկ տարվա ընթացքում օդանավակայանի 57 աշխատակից կորցրել է աշխատանքը:
«Տարեսկզբից դեպի փակ գոտի մուտք ունեցող 86 հազար մարդ է ստուգվել, այդ թվում՝ Ռուասի-Շառլ դե Գոլ օդանավակայանի անվտանգության ծառայության 5 հազար աշխատակից»,- հայտարարել է պրեֆեկտը: Ըստ ՏԱՍՍ-ի, նա նաեւ նշել է, որ աշխատանքից այլ ազատվողներ նույնպես կլինեն:
