Երեւանի կենդանաբանական այգում մեկ ամիս առաջ առյուծի կողմից հարձակման ենթարկված 35-ամյա Վարդան Գրիգորյանը դեռ ամբողջությամբ չի ապաքինվել:
NEWS.am-ի թղթակցի հետ զրույցում Վարդանի մայրը՝ Գոհար Գրիգորյանը, հայտնեց, որ որդին ամեն օր գնում է հիվանդանոց՝ վիրակապը փոխելու:
«Ձեռքի մատները շարժում է, վերքը դեռ բաց է, երկուշաբթի ամենայն հավանականությամբ կկարեն»,- ասաց տիկին Գոհարը:
Դեռեւս հայտնի չէ, թե երբ աշխատանքի կվերադառնա երիտասարդը:
Ավելի վաղ հայտնել էինք, որ 2015թ. հոկտեմբերի 29-ին Երեւանի կենդանաբանական այգում առյուծը հարձակվել էր աշխատակից Վարդան Գրիգորյանի վրա: Նա հիվանդանոց էր տեղափոխվել ձախ բազկի պատռվածքներով: