Միացյալ արաբական էմիությունների Zarooq ընկերությունը իր առաջին մշակման՝ Sand Racer մրցարշավային ամենագնացի մասին որոշ մանրամասներ է տարածել: Ամենագնացով կթույլատրվի երթեւեկել նաեւ ընդհանուր նշանակության ճանապարհներին: Ավտոմեքենան կկարողանա ժամում մինչեւ 200 կմ արագություն բացել: Մոդելի հրապարակյին դեբյուտը կկայանա առաջիկա հանգստյան օրերին Աբու Դաբիում «Ֆորմուլա 1-ի» Գրան պրի մրցանակաբաշխությունում:
Նորույթը ամբողջովին յուրօրինակ շասիի վրա է կառուցվելու, որը ամբողջովին ձեռագործ է լինելու՝ կարբոնի ու ապակու գործածումով: Դրա մշակման համար պատասխանատու էին Campos Racing-ի GP2 սերիայի մրցարշավային թիմի ու e.dams-Renault ձիարշավարանի մասնագետները, որն այս տարի շահել է դեբյուտային առաջնությունը:
Շարժիչը 3.5 լիտրանոց վեցմխոնանոց բենզինային շարժիչ է ունենալու, որը մշակվել ու արտադրվել է ՄԱԷ-ում: Հաջորդ ամիս սկսվելու են սարքի փորձարկումները: Այն կկարողանա 305, 400 ու 500 ձիաուժ ունենալ՝ ըստ պատվիրատուի ցանկության: Վառելիքային բակի ծավալը 110 լիտր է լինելու: Փոխանցման տուփը ավտոմատ է, զանգվածը՝ մեկ տոննայից քիչ ավելին, անվասակավառակները՝ 15 դյույմանոց՝ 33 դյույմանոց ամենագնացային անվադողերով:
Zarooq Motors ընկերությունը նաեւ մտադիր է Դուբայում կառուցել՝ մրցարշավային ամենագնացների համար մոտավորապես 100 ակր ընդհանուր մակերեսով տրեք: Այստեղ բոլոր ցանկացողների համար ավազի վրա մրցարշավային վարորդական դասընթացներ կկազմակերպվեն:
Sand Racer -ի բազային տարբերակի արժեքը մոտավորապես 100 հազար դոլար կկազմի: Ընկերությունը նախ մտադիր է կենտրոնանալ ՄԱԷ-ում մոդելի վաճառքի վրա: Իսկ հետո, հնարավոր է, հոսքագիծը կընդլայնվի եւ կսկսեն մեքենաները նաեւ Եվրոպա մատակարարել: