Նոյեմբերի 5-ի երեկոյան ՀՀ ոստիկանության Երեւան քաղաքի վարչություն ահազանգ է ստացվել, որ Քաղսի գյուղի վերին թաղամասում դանակահարություն է կատարվել:

Ոստիկանությունից NEWS.am-ին հայտնում են, որ դեպքի վայր ժամանած ոստիկանները հայտնաբերեցին ճակատ-ճակատի բախված «Միթսուբիշի Պաջեռո» եւ «Վազ-2121» (Նիվա) մակնիշի մեքենաներ: Տուժողը «Միթսուբիշիի» վարորդն էր, որ ոստիկաններին պատմել է, որ ինքը մեքենայում նստած է եղել, երբ «Նիվան» դիմացից մեծ արագությամբ եկել ու ճակատային հարվածել էր իր մեքենային:

Տեսնելով, որ «Նիվայի» վարորդը գինովցած է, նա փորձել էր սթափեցնել վերջինիս, սակայն նա սկսել էր հրմշտել:

Մինչ ոստիկանները տուժողից հաղորդում էին վերցնում, Հրազդանի հիվանդանոցից ստացվել է դանակահարության մասին երկրորդ ահազանգը:

Պարզվել է, որ դանակահարությունը կատարել է նույն մարդը: Կարճ ժամանակ անց ոստիկանները հայտնաբերել են նույն գյուղի բնակիչ Արգամ. Մ-ին՝ իրենց տան բակում: Նա ոստիկաններին հայտնել է, որ «Միթսուբիշին» կտրել է իր դիմացը, եւ հնարավոր է, իր մեքենան շրջվեր, որի համար էլ վիճաբանություն է տեղի ունեցել: Նա նշեց, որ երկու տուժողներն էլ իր ընկերներն են:

Առավել մանրամասն՝ տեսանյութում