Ռուսաստանի եւ Թուրքիայի միջեւ լարվածությունը չպետք է ազդի Սիրիայի հարցով ձեռք բերված քաղաքական հեռանկարների վրա: Reuters-ի փոխանցմամբ, այս մասին նոյեմբերի 29-ին Բրյուսելում միգրացիոն հարցերով ԵՄ-Թուրքիա գագաթաժողովից առաջ հայտարարել է Եվրամիության արտաքին գործերի եւ անվտանգության քաղաքականության գերագույն հանձնակատար Ֆեդերիկա Մոգերինին:
«Սարսափելի սխալ կլինի, եթե տեղում լարվածության հետեւանքով, որը կարող է բարձր եւ դժվար կարգավորվող լինել, մենք չեղարկենք կամ նվազեցնենք Սիրիայում դիվանագիտական եւ քաղաքական ներգրավվածության մակարդակը»,- ընդգծել է Ֆեդերիկա Մոգերինին: