Բրյուսելում կայացած Թուրքիա-ԵՄ գագաթնաժողովից հետո կողմերը հայտնել են, որ Թուրքիան սիրիացի փախստականների համար կստանա 3 եվրո եւ կվերակենդանանա Թուրքիայի՝ ԵՄ անդամության գործընթացը։

Թուրքական Milliyet-ի փոխանցմամբ՝ Թուրքիա-ԵՄ գագաթնաժողովին կարեւոր որոշումներ են կայացվել, որոնցից մի քանիսը հետեւյալն են. Թուրքիայի կողմից հետընդունման պարտավորությունները կատարելու դեպքում, 2016-ի հոկտեմբերից Թուրքիայի քաղաքացիներն առանց վիզայի կմտնեն Եվրամիության երկրներ

 ԵՄ-ն Թուրքիայում գտնվող սիրիացի փախստականների համար կտրամադրի 3 մլրդ եվրո։ Բացի այդ, փախստականների վիճակից ելնելով հնարավոր կլինի նոր օգնություն տրամադրել։

Թուրքիան եւ ԵՄ-ն տարին մեկ անգամ գագաթնաժողով են անցկացնելու։ Հանդիպումից հետո Եվրոպայի խորհրդի ղեկավար Դոնալդ Տուսկը հայտնել է, թե ընդունված համաձայնագիրը սկսվելու է կիրառվել 2016-ին:

Դավութօղլուն եւս խոսել է կայացված համաձայնության մասին՝ շեշտելով, որ ԵՄ-ի հետ վիզայի ազատականացման հարցում առաջին զեկույցը կլինի մարտին, հունիսից կկիրառվի հետընդունման կարգը, իսկ հոկտեմբերից արդեն սկսելու է գործել Թուրքիայի քաղաքացիների համար առանց վիզա ԵՄ երկրներ մուտք գործելու կարգը։