Երեւանի Բագրատունյաց փողոցում այսօր՝ նոյեմբերի 30-ին, «Վազ 21 07» մակնիշի եւ Honda մակնիշի մեքենաները բախվել են իրար, ինչի հետեւանքում «Վազ 21 07»-ը հայտնվել է կանգառում:
NEWS.am-ի թղթակցի հետ զրույցում ոստիկանության աշխատակիցը նշեց, որ մեքենաների բախման հետեւանքով 34 MU 779 07 պետհամարանիշով «ՎԱԶ 2107»-ի վարորդը եւ 34 BQ 611 պետհամարանիշով Honda մակնիշի մեքենայի երկու ուղեւորները մարմնական վնասվածքներով տեղափոխվել են «Էրեբունի» բժշկական կենտրոն:
Ականատեսները NEWS.am-ին պատմեցին, որ երբ մեքենան հայտնվել է կանգառում, այդ պահին այնտեղ քաղաքացիներներ չեն եղել:
«ՎԱԶ 2107» մակնիշի մեքենայի վարորդի՝ Թաթուլ Ավագյանի մայրը NEWS.am-ին հայտնեց, որ որդին մեքենան կայանել է կանգառի մոտ, եւ 49-ամյա Վարդան Թորոսյանը իր Honda-ով եկել եւ հարված էլ է դրան, ինչից հետո Թաթուլ Ավագյանի մեքենան հայտնվել է կանգառում: