Չինացի հնագետները Չինաստանի հյուսիս-արեւմուտքում մոտ 4 հազար տարվա վաղեմության ավելի քան 300 հնագիտական գտածո են հայտնաբերել, հայտնում է «ՌԻԱ Նովոստի»-ն՝ վկայակոչելով «Սինհուա» գործակալությունը։
Հնագետների խմբի ղեկավար Վան Սյոյանի խոսքով՝ գտածոները հայտնաբերել են Չինաստանի Նինսյա Հուեյի ինքնավար մարզի տարածքում պեղումների ժամանակ։ Գիտնականները կարողացել են ուսումնասիրել 800 քառ/մ տարածք։ Պեղումների վայրում հայտնաբերվել են կավե ամաններ, բաժակներ, դանակներ, քարե կացիններ։ Բացի այդ, հնագետները հայտնաբերել են տարբեր խեցիներ, որոնք ենթադրաբար օգտագործվել են դեկորատիվ նպատակներով։
Բեյյուանի տարածքը, որտեղ տարվում են պեղումները, կազմում է 25 հազար քառ/մ։