Օրվա կեսին Էյֆելյան աշտարակը դադարել է այցելուների ընդունել: Դա տեղի է ունեցել ֆրանսիական մայրաքաղաքում նոյեմբերի 13-ի ահաբեկչական գործողությունների շարքից հետո արդեն երկրորդ անգամ:
Ինչպես տեղեկացրել է Էյֆելյան աշտարակը շահագործող ընկերությունը, «անվտանգության անհրաժեշտ մակարդակի ապահովման համար բավարար չէ ոստիկանների թվի այն ավելացումը, որ տրամադրել է քաղաքի ոստիկանության պրեֆեկտուրան, ինչպես նաեւ անվտանգության աշխատակիցների այն հավելյալ թիվը, որ տրամադրում է ինքը` ընկերությունը», տեղեկացնում է ՏԱՍՍ-ը:
Ինչպես բազմիցս ընդգծել են ահաբեկչության դեմ պայքարի մասնագետները, Էյֆելյան աշտարակը մի շարք ծայրահեղական կազմակերպությունների կողմից ներառվել է հարվածների հիմնական հնարավոր թիրախների ցուցակի մեջ: Այդ պատճառով աշտարակի ստորոտում մշտապես ոստիկանության մի քանի մեքենա է հերթապահում, ռազմական պարեկներ են շրջում: Աշտարակի հարկերում քիչ չեն քաղաքացիական հագուստով անվտանգության աշխատակիցները:
Ամեն օր Էյֆելյան աշտարակ առնվազն 7 մլն մարդ է այցելում: