Հայաստանի ՏԿԱԻՆ-ում, նոյեմբերի 30-ին, ժամը 21.22-ին ահազանգ է ստացվել, որ Արմավիրի մարզի Էջմիածին քաղաքի Անդրանիկ թաղամասի թիվ 164 շենքի մոտակայքում տեղի է ունեցել ավտովթար, առկա է գազի արտահոսք. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Անդրանիկ թաղամասի թիվ 54 տան մոտակայքում դեռեւվս չբացահայտված հանգամանքներում «Lexus RX300» մակնիշի 11 CC 711 համարանիշի ավտոմեքենան (վարորդ՝ 20-ամյա Ս. Ս.) դուրս է եկել ճանապարհի երթեւեկելի մասից, բախվել էլ. սյանը եւ կողաշրջվել:
Մինչ հրշեջ-փրկարարների դեպքի վայր հասնելը Ս. Ս.-ը հոսպիտալացվել է Էջմիածինի ԲԿ, որտեղ բժիշկները տուժածի վիճակը գնահատել են բավարար:
Հրշեջ-փրկարարները փակել են գազի բալոնի փականը:
