Beeline-ը հայտարարում է Հայաստանում Beeline Fast բրենդային հեռախոսների վաճառքի մեկնարկի մասին: Գրասենյակներում հեռախոսների վաճառքը կմեկնարկի դեկտեմբերի 3-ին:
«Beeline Fast» սմարթֆոնն ունի ոճային եւ գրավիչ դիզայն եւ աշխատում է Android 5.1 օպերացիոն համակարգով: Հեռախոսն ունի 4-միջուկային պրոցեսոր, 2 տեսախցիկ 5 եւ 2 մեգապիքսել հզորությամբ, ժամանակակից չափանիշներով հաղորդակցության մոդուլներ, այդ թվում` Bluetooth 4.0 եւ Wi-Fi 802.11 b/g/n/, ինչպես նաեւ 5 դյույմանոց IPS էկրան:
Beeline Fast սմարթֆոնի արժեքը «Սմարթ+» սակագնային փաթեթին երեք ամիս բաժանորդագրությամբ 54 900 դրամ է: «Սմարթ+» սակագնային փաթեթը ներառում է 3 ամիս անսահմանափակ շփում Beeline ցանցի ներսում, տրամադրվում է ամսական 1 Գբ ծավալով բջջային ինտերնետ առանց արագության սահմանափակման, 100 տեղական SMS-հաղորդագրություն եւ անսահմանափակ շփում WhatsApp հավելվածի միջոցով:
«Մեր նոր սմարթֆոնն լիովին արդարացնում է առաջատարի իր կարգավիճակը, քանի որ առաջարկում է դիզայնի եւ արտադրողականության գրեթե իդեալական համադրություն: Այս գեղեցիկ եւ հզոր մոդելը կհավանեն նույնիսկ ամենապահանջկոտ հաճախորդները, իսկ սմարթֆոնը կդառնա ամանորյա ցանկալի նվեր: Ի դեպ, սմարթֆոնի բոլոր գնորդները կարող են մասնակցել Beeline-ի ամանորյա խաղարկությանը եւ շահել դեպի Արաբական Միացյալ Էմիրություններ երեք ուղեգրերից կամ 50 պլանշետներից մեկը», - նշեց Հայաստանում Beeline-ի Գլխավոր տնօրեն Անդրեյ Պյատախինը:
Նշենք, որ սմարթֆոնը կարելի է ձեռք բերել ապառիկով` 12 ամիս ժամկետով, 5490 ամսական վճարի դիմաց: Beeline Fast սմարթֆոնի, ինպես նաեւ խաղարկության վերաբերյալ լրացուցիչ տեղեկատվություն կարող եք ստանալ գրելով անձնական հաղորդագրություն Beeline Аrmenia-ի պաշտոնական էջին Facebook-ում կամ www.beeline.am կայքում:
