Իտալական Libero Quotidiano թերթը սկսել է առցանց հարցում անցկացնել այն մասին, թե պետք է արդյոք Թուրքիային թշնամական պետություն համարել։
Ընթերցողներին առաջարկել են պատասխանել հարցին, թե համաձայն են արդյոք նրանք իտալացի քաղաքական գործիչ Մատեո Սալվինիի այդ պնդման հետ։ Նրա ղեկավարած «Հյուսիսի լիգա» կուսակցությունը Եվրոպայի իսլամացման դեմ է հանդես գալիս։
Հարցմանը կարելի է մասնակցել՝ անցնելով հետեւյալ հղումով։ «Սալվինիի կարծիքով Թուրքիան թշնամական երկիր է։ Դուք համաձա՞յն եք» hարցին կարելի է պատասխանել «այո» (Si) կամ «ոչ» (n)՝ սեղմելով «քվեարկել» կոճակը (Vota)։ Հոդվածի տակ մեկնաբանությունների մեծ մասը «այո»-ի կողմնակից է։
«Թուրքերը մինչ օրս մերժում են Հայոց ցեղասպանությունը։ 1.5 մլն զոհ։ Ապացուցված հանցագործություն, այդ թվում Արմին Վենգերի կողմից»։
«Զենքի եւ նավթի մատակարարման խաչմերուկ, որը հարստացնում է ԻՊ-ին։ Բոլորն այդ մասին գիտեն։ Միայն Պուտինի համարձակությունն է բավականացնում հայտարարել այդ մասին։ Կեցցե՛ս, Պուտի՛ն։ Ազատի՛ր մեզ այդ չարիքից»։
«Շատ պատմաբաններ նշում են անվիճելի փաստերը. թուրքերի բնույթն ագրեսիվ է, նրանք պատերազմ են ուզում»։
«Պատմությունը մեզ ոչինչ չի սովորեցնում։ Սկզբում հռոմեացիները սկսեցին սահմանին բարբարոսներին վճարել պաշտպանության համար, հետո նրանք եկան եւ գրավեցին ամեն բան»։
«Թուրքիան որպես այդպիսին թշնամի չէ, իսկ այ Էրդողանը՝ այո»։