Ոստիկանության Արաբկիրի բաժին ներկայացած քաղաքացին հաղորդում էր տվել, որ նոյեմբերի 27-ի գիշերը, ժամը 2-ի սահմաններում, իր ծանոթ Հրայր Ն.-ն օգտվելով իր ժամանակավոր բացակայությունից՝ տնից գողացել է իր ձեռքի պայուսակը, որի մեջ եղել է 2 ոսկյա մատանի, ոսկյա վզնոց՝ ոսկյա խաչով, ոսկյա թեւնոց, 500 ԱՄՆ դոլար, 5.350 դրամ, անձնագիր, սոց. քարտ, զին. գրքույկ, բոնուս եւ կուտակային զեղչի քարտեր եւ տան բանալի (վնասի չափը պարզվում է):
Ոստիկանության ծառայողների անցկացրած բացատրական աշխատանքների շնորհիվ՝ Հրայր Ն.-ն ներկայացել է բաժին եւ տվել բացատրություն:
Գողոնն առգրավված է:
Կատարվում է հետաքննություն:
