Հոգեբաններն ու նեյրոլեզվաբանները համատեղ հետազոտություն են անցկացրել՝ պարզելով, որ նեյրոնային ազդանշանները, որոնք ուղեղը ստանում է ընթերցանության ժամանակ, նույնն են բոլոր լեզուների պարագայում:
Ըստ Gazeta-ի, ՄՌՏ սքանավորումից հետո գիտնականներն անգլերեն, եբրայերեն, իսպաներեն եւ չինարեն լեզուների 84 կրողի ուղեղի պատկեր են ստացել: Այս լեզուները պատահական չեն ընտրվել. դրանց գրավոր համակարգը տարբերվում է միմյանցից, իսկ արտաբերման տեսակի առումով այս լեզուները բաժանվում են տոնայինի եւ ոչ տոնայինի:
Հետազոտության արդյունքների հիման վրա գիտնականները հայտարարել են, որ ընթերցանության գործընթացը միավորում է գրավոր եւ բանավոր խոսքը ցանկացած լեզվում: