Մալայզիայի հյուսիս-արեւմուտքում հորդառատ անձրեւների պատճառով ուժեղ ջրհեղեղի սպառնալիք է հայտարարվել։ Այս մասին հայտնում է ՏԱՍՍ-ը՝ վկայակոչելով տեղական լրատվամիջոցները։ Տագնապը հայտարարվել է թագավորության 13 նահանգներից 3-ում եւ մայրաքաղաք Կուալա Լումփուրում, որտեղ երկուշաբթի հեղեղվել էր մետրոպոլիտենի մի քանի  կայարան։ Քելանթան նահանգում գետի ջրի մակարդակը հասել է մոտ 10 մետրի, ինչը 1 մետրով գերազանցում է կրիտիկական մակարդակը։

Մի շարք բնակավայրերից տարհանում են մարդկանց։