Սեպտեմբերի 1-ին, ժամը 02.30-ին հիվանդանոցից ոստիկանության Նոր Նորքի բաժնում հաղորդում է ստացվել, որ Նորքի 7-րդ զանգվածի թիվ 2 շենքի մոտից հրազենային վնասվածքով բուժօգնության է տեղափոխվել 29-ամյա Սուրեն Հ.-ն, իսկ բեկորային քերծվածքներով` 50-ամյա Լյովա Ա.-ն:
Ոստիկանության մամուլի ծառայությունից NEWS.am-ին հայտնում են, որ Սուրեն Հ.-ի ուսագլխից հանվել է ինքնաձիգի դեֆորմացված գնդակ:
Փաստի առթիվ հարուցված քրեական գործի նախաքննության ընթացքում Նորք Մարաշ ճանապարհահատվածում հայտնաբերվել է հանցագործության գործիք ինքնաձիգը` մեկ պահունակով եւ 7,62 մմ տրամաչափի 21 փամփուշտով:
Հայտնաբերվածն ուղարկվել է փորձաքննության: Կատարվում է քննություն: