Թուրքիան վտանգում է տարածաշրջանային անվտանգությունը՝ զորքեր տեղակայելով Իրաքի հյուսիսում: Այս մասին հայտնել է Իրանի փոխարտգործնախարար Հոսեյն Ամիր Աբդոլլախիանը:
« Թուրքիայի կառավարության կողմից նման քայլը ոչ միայն չի նպաստի ահաբեկչությունը արմատախիլ անելուն, այլեւս կհանգեցնի քաոսի ու կվտանգի ամբողջ տարածաշրջանի անվտանգությունը»,- ասել է իրանցի դիվանագետը՝ Press TV հեռուստաալիքին տված հարցազրույցում:
Այլ երկրների մասնակցությունը ահաբեկչության դեմ պայքարին պահանջում է համակարգում իրաքյան կառավարության հետ ու նրա թույլատվությունը՝ Իրաքի տարածքում ռազմական գործողություններ ձեռնարկելու համար, շեշտել է Աբդոլլախիանը, հայտնում է ՏԱՍՍ-ը:
Թուրքիան նախօրեին քրդական աշխարհազորի (փեշմերգ) ճամբարում տեղակայել էր իր զինված ուժերի խմբավորում, որի կազմում 130 զինծառայողներն են , զրահամեքենաներ ու հրետանի:
Իրաքի ԱԳՆ դեկտեմբերի 5-ին թուրք դեսպանին կանչել է Բաղդադ ու պահանջել, որ Թուրքիան անհապաղ իր զորքերը դուրս հանի Իրաքի հյուսիսային տարածքներից:
