Ճապոնիայի վարչապետ Սինձո Աբեն երկուշաբթի հայտարարել է, որ չի ցրելու խորհրդարանի ստորին պալատը դատարանի որոշման պատճառով, որը վերջին ընտրությունները ճանաչել էր ոչ սահմանադրական։
«Անկեղծ ասած՝ ցրելը բացառված չէ։ Բայց այս պահին ես այդ մասին բացարձակ չեմ մտածում»,- մեջբերում է վարչապետի ելույթը «Կիոդո» գործակալությունը։
Ավելի վաղ Ճապոնիայի գերագույն դատարանը անցյալ տարվա դեկտեմբերին խորհրդարանի ստորին պալատի ընտրությունների շուրջ ստեղծված իրավիճակը որակել էր ոչ սահմանադրական, սակայն ընտրության արդյունքներն անվավեր չէր ճանաչել։