Մարդու իրավունքների եվրոպական դատարանը վարույթ է ընդունել ՀԱԿ-ի դեռեւս 2010 թվականի ներկայացված հայցն ընդդեմ ՀՀ իշխանությունների։ Այն ժամանակ հայցը ներկայացվել է ՀՀՇ-ի անունից, որի իրավահաջորդն է ՀԱԿ-ը։ Այս մասին NEWS.am-ի հետ զրույցում ասաց ՀԱԿ պատգամավոր Արամ Մանուկյանը։
Հայցը վերաբերում է հանրահավաքներ ու երթեր անցկացնելու քաղաքապետարանի մերժումին։
«Օգոստոս-սեպտեմբեր ամիսներին մեր հանրահավաքների ու երթերի դիմումները մերժել էր քաղաքապետարանը, հայաստանյան դատարաններից հետո մենք դիմեցինք Եվրադատարան, երկու օր առաջ ստացել ենք որոշումն այն մասին, որ մեր գործը վարույթ է ընդունվել։ Սա շատ լավ նախադեպ է»,-ասաց Արամ Մանուկյանը։