Իրաքը պլանավորում է կրճատել Թուրքիայից ներկրվող ձեթի ծավալները երկու երկրների միջեւ ստեղծված քաղաքական լարվածության պատճառով: Այս մասին հաղորդում է Reuters գործակալությունը՝ հղում անելով երկրի առեւտրի նախարարության պաշտոնյային:
«Ծրագրում ենք թուրքական ձեթը փոխարինել տեղական արտադրության եւ այլ երկրներից ներմուծված ձեթով»,- ասել է պաշտոնյան՝ չնշելով այդ քայլի պատճառը:
Միաժամանակ Բաղդադում գործող «Ալ Բաինա ալ Ջադիդա» թերթը գրել է, որ սրանով Իրաքն իր դժգոհությունն է հայտնում թուրքական զորքերը Հյուսիսային Իրաքում տեղակայելու դեմ: Աղբյուրը նշում է նաեւ, որ Իրաքում Հայաստանի դեսպան Կարեն Գրիգորյանի հետ հանդիպմանը նախորդ շաբաթ Իրաքի առեւտրի նախարար Մոհամեդ Շիա ալ-Սուդանին քննարկել է թուրքական ձեթի փոխարեն Հայաստանից ձեթ ներկրելու հնարավորությունը: