Հայաստանի վարչապետ Տիգրան Սարգսյանը կայցելի Իրան: Իրանում Հայաստանի դեսպան Գրիգոր Առաքելյանը Fars գործակալությանը հայտնել է, որ այցելությունը տեղի է ունենալու Իրանի առաջին փոխնախագահ Մոհամադրեզա Ռահիմիի հրավերով, հոկտեմբերի վերջին: Այցի գլխավոր նպատակը երկու երկրների միջեւ հարաբերությունների ամրապնդումն ու խորացումն է: Դիվանագետը նշել է, որ մինչ Հայաստանի վարչապետի այցը՝ Իրան կայցելի նաեւ Հայաստանի ԱԳ նախարար Էդվարդ Նալբանդյանը: