Ռուսաստանի Ալթայի երկրամասում թոշակառու կնոջ ողբերգական մահվան գործ են հետաքննում: Բնակարանում հայտնաբերել են կնոջ անդամահատված մարմինը: Հետաքննության վարկածով, նրան սպանել է հարազատ որդին, որից նա հրաժարվել է ծննդաբերությունից անմիջապես հետո:
29-ամյա տղամարդու բնակարանում պահվող մարմնի մասերի մասին իրավապահներին հայտնել է նրա հարեւանուհին: Պարզվել է, որ հունվարի 19-ին մայրն ու որդին միասին ալկոհոլ են օգտագործել՝ նշելով կնոջ ծննդյան տարեդարձը: Նրանց միջեւ վեճ է ծագել, եւ տղամարդը ձեռքերով եւ ոտքերով ծեծել է մորը: Ստացված վնասվածքներից կինը տեղում մահացել է, եւ որդին որոշել է թաքցնել հանցագործության հետքերը: Նա անդամահատել է մարմինն ու թաքցրել բնակարանում:
Հայտնի է, որ տղամարդը կենսաբանական մոր հետ կապ է հաստատել վերջերս: Նա որդուն լքել է ծննդատանը, ինչից հետո երեխային որդեգրել է այլ ընտանիք:
LifeNews-ի փոխանցմամբ, որդեգրված տղան մեծացել է լիարժեք ընտանիքում, լավ է սովորելս, ինստիտուտ ընդունվել, ինչից հետո աշխատանք է գտել Մոսկվայում: