Թուրքիայի ռազմաօդային ուժերի բոլոր բազաներում տագնապի մակարդակը բարձրացվել է: Այս մասին գրում է ՌԻԱ Նովոստին՝ վկայակոչելով Anadoly գործակալությունը:
Զինվորական աղբյուրների տեղեկացմամբ, տագնապի «նարնջագույն» մակարդակ է հայտարարվել, ինչը ենթադրում է «ամեն ինչին լիարժեք պատրաստվածություն» եւ սպառնալիքներին օդաչուների անհապաղ արձագանք՝ առանց հրամանատարության հետ համաձայնացնելու:
Հիշեցնենք. նախօրեին Թուրքիայի ԱԳՆ-ն հայտարարել էր, որ հունվարի 29-ին ռուսական օդուժի Սու-34 ինքնաթիռը խախտել է երկրի օդային սահմանը: Ռուսաստանի ՊՆ-ն, սակայն, հերքել է այս հայտարարությունը:
