Դամասկոսի Սայիդա Զեյնաբ արվարձանում հունվարի 31-ին ահաբեկիչները պայթյուններ են իրականացրել՝ միջսիրիական բանակցությունների մեկնարկը տապալելու, Սիրիայի քաղաքացիներին ահաբեկելու եւ ահաբեկչական խմբավորումների մարտական ոգին բարձրացնելու համար։ Այս մասին ասված է ՄԱԿ գլխավոր քարտուղարին եւ ՄԱԿ ԱԽ նախագահին Սիրիայի Արաբական Հանրապետության արտաքին գործերի եւ միգրանտների հարցերով նախարարության հղած ուղերձում։
«Իր վրա ուշադրություն է հրավիրում այն հանգամանքը, որը այս հանցագործությունները կատարողները իրենց ուղերձում նշել են, որ իրենց նպատակն է աջակցել Էր Ռիադից Ժնեւ բանակցությունների ժամանած ընդդիմության պատվիրակությանը։ Սիրիայի կառավարությունը ՄԱԿ ԱԽ-ին նորից կոչ է անում միջոցներ ձեռնարկել ահաբեկչության աջակցող եւ ֆինանսավորող երկրների դեմ եւ հրաժարվել ահաբեկչության դեմ պայքարի ջանքերը քաղաքականացնելուց եւ երկակի ստանդարտներ կիրառելուց»,- ասված է Սիրիայի ԱԳՆ հղած ուղերձում, փոխանցում է ՍԱՆԱ պետական լրատվական գործակալությունը։
Հիշեցնենք, որ Դամասկոսի արվարձանում տեղի ունեցած պայթյուններից զոհվել է 60 մարդ, վիրավորվել՝ մոտ 200-ը։
