Ադրբեջանի Աղջաբադի շրջանում միջնակարդ դպրոցի ուսուցչուհու են առեւանգել: Ըստ Report-ի, 22-ամյա Ֆարիդա Աղաեւային դպրոցից տուն վերադառնալիս մի խումբ երիտասարդներ բռնությամբ ավտոմեքենա են նստեցրել եւ տարել անհայտ ուղղությամբ:
Աղջկա եղբայրը փորձել է խանգարել, սակայն անհայտ անձինք նրան մարմնական վնասվածքներ են հասցրել եւ փախուստի դիմել:
Ոստիկանությունն օպերատիվ միջոցառումներ է ձեռնարկել Աղաեւային գտնելու ուղղությամբ:
Փաստի առիթով հարուցվել է քրեական գործ՝ Ադրբեջանի Քրեական օրենսգրքի 144.2.3 եւ 144.3 հոդվածներով (անձի առեւանգում):
