Գորիս-Սիսիան ավտոճանապարհին այսօր՝ փետրվարի 2-ին, տեղի ունեցած ավտովթարից մահացած Վայոց Ձորի մարզի Շատին գյուղի բնակիչ 49-ամյա Հունան Հունանյանը գնում էր Ղարաբաղ՝ խնձոր վաճառելու: Այս մասին NEWS.am-ի հետ զրույցում ասաց Շատինի գյուղապետ Մամիկոն Սմբատյանը:
«Մրգի ծառեր ուներ, մրգեր էր տանում, վաճառում տարբեր գյուղերում, քաղաքներում»,-ասաց գյուղապետը:
Ավելի վաղ ՀՀ ՏԿԱԻՆ-ը տեղեկացրել էր, որ այսօր՝ փետրվարի 2-ին, ժամը 12.25-ին ահազանգ է ստացվել, որ Գորիս-Սիսիան ավտոճանապարհի Շինուհայր գյուղական համայնքի խաչմերուկում տեղի է ունեցել ՃՏՊ, «Վազ-2101» մակնիշի ավտոմեքենան դուրս է եկել ճանապարհի երթևեկելի հատվածից եւ շրջվել, ինչի հետևանքով վարորդ՝ 1963 թ. ծնված Հ.Հ.-ը տեղում մահացել է:
