Հայաստանում ուզում են երկրորդային հումքի վերամշակման շրջանառության հարկը 5 տոկոսից 1․5 տոկոս իջեցնել։ «Շրջանառության հարկի մասին» օրենքում համապատասխան փոփոխությունների Նախագիծը ներկայացրել է իշխող Հանրապետական խմբակցության պատգամավոր, տնտեսագիտության խորհրդարանական հանձնաժողովի նախագահ Վարդան Այվազյանը։

Նման նյութերի ցանկում առաջարկում են ընդգրկել օգտաթափոնքը՝ այդ թվում պատրաստի ապրանքների ու նյութերի մնացորդները, որոնք կորցրել են իրենց սկզբնական հատկանիշները։ Հարկն առաջարկում են նվազեցնել,որովհետեւ երկրորդային հումքի վերամշակումը պետք է բնապահպանական գերակայություն լինի ցանկացած պետության համար։ Բացի դրանից ծագման պատճառով այդ հումքի համար ապրանքագիր ներկայացնելը հաճախ հնարավոր չէ։ «Մենք առաջարկում ենք, որ նման նյութերի ցանկը Կառավարությունը սահմանի»,- հավելել է Այվազյանը։