Ցավոք, դպրոցներում կա մանկավարժների մի տեսակ, որոնք ինքնամոռաց նետվում են իշխող կուսակցության պաշտպանության գործին: Այս մասին, այսօր՝ փետրվարի 2-ին խորհրդարանում հայտարարել է ԲՀԿ խմբակցության ղեկավար Նաիրա Զոհրաբյանը:
«Ցավոք, կան նման տիպի մարդիկ: Նրանք պատրաստ են ինքնազոհության գնալ, միայն թե պաշտպանեն իրենց համար արժեքավոր իշխանական դեմքերին: Չգիտեմ, դա գենետիկա է, թե ներքին պոռթկում, կամ մտախծողության մղում: Դե ինչ, յուրաքանչյուրն իրավունք ունի ունենալ իր քաղաքական հայացքները, եթե իհարկե, դրանք իրենն են, ոչ թե պայմանավորված ինչ-որ քաղաքական դրդապատճառներով»,-նշել է Զոհրաբյանը:
