Արմավիրի մարզի Մուսալեռ գյուղի 23-ամյա բնակիչ Արսեն. Ա-ն մեղադրվում է հարեւանի տուն ապօրինի մուտք գործելու, հարեւանի անչափահաս դստեր հետ սեռական հարաբերություն ունենալու եւ տնից գողություն կատարելու մեջ։ Այս մասին NEWS.am-ը տեղեկանում է Արմավիրի մարզի ընդհանուր իրավասության դատարանից։
Ըստ մեղադրականի՝ Արսեն Ա.-ն, 2015թ. մայիսի 16-ին ժամը 02:30-ի սահմաններում օգտվելով բնակարանատիրոջ բացակայությունից, եւ նրա անչափահաս դստեր Մ.Հ.-ի քնած լինելու հանգամանքից, ապօրինի մուտք է գործել տուն՝ կատարելով ՀՀ քր.օրի 147հոդ. 1-ին մասով նախատեսված հանցանք։ :
Բացի այդ 03։00-ի սահմաններում 21 տարին լրացած Արսեն Ա.-ն ակնհայտ 16 տարին չլրացած Մ.Հ.-ի հետ սեռական հարաբերություն է ունեցել ՝ կատարելով հանցավոր արարք, որը նախատեսված է ՀՀ քր.օրի 141հոդ. 2-րդ մասի 1-ին կետով:
Ապա Արսեն Ա.-ն հափշտակել է Մ.Հ.-ին պատկանող 2500 ՀՀ դրամ արժողությամբ սրբապատկերով հուշանվերը և վերջինիս մորը՝ Գ.Հ.-ին պատկանող 150.000 ՀՀ դրամ արժողությամբ թվային ֆոտոխցիկը՝ կատարելով ՀՀ քր.օրի 176հոդ. 1-ին մասով նախատեսվող հանցավոր արարք։
Արսեն Ա.-ի նկատմամբ խափանման միջոց է ընտրվել կալանավորումը։ Մեղադրյալը գրավի դիմաց ազատ է արձակվել։