Ճապոնիայի պաշտպանության նախարար Գեն Նակատանին հայտնել է, որ հյուսիսկորեական հրթիռը խոցելու հրաման է տվել, հայտնում է Gazeta-ն՝ վկայակոչելով Kyodo գործակալությունը։
Համաձայն առկա տեղեկությունների՝ հրամանը գործելու է մինչեւ փետրվարի 25-ը։ Այդուհանդերձ ժամկետը կարող է անհրաժեշտության դեպքում երկարաձգվել։
Նախնական տեղեկությունների համաձայն՝ հյուսիսկորեական հրթիռը կարող է անցնել Ճապոնիայի հարավում գտնվող Սակիսամա արշիպելագի վրայով։ Հրթիռը պլանավորվում է գործարկել 2016թ. փետրվարի 8-25-ը։
Ավելի վաղ Ճապոնիայի վարչապետ Սինձո Աբեն հայտնել էր, որ ինքը գործելու է ԱՄՆ-ի եւ այլ երկրների հետ համատեղ, որպեսզի Հյուսիսային Կորեային ստիպի հրաժարվել պլանավորված գործարկումից։