Գլենդելի ոստիկանության նախկին սերժանտ Վահագ Մարդիկյանի դեմ ներկայացված մեղադրանքը, որի համաձայն նա Լաս Վեգասի խաղատներից մեկում փորձել է օգտվել մարմնավաճառի ծառայություններից, հերքվել է այն բանից հետո, երբ նրան ստիպել են 1000 դոլար տուգանք վճարել եւ ՁԻԱՀ-ի մասին դասընթացների հաճախել։ Այս մասին հայտնում է Los Angeles Times-ը։
50-ամյա Վահագ Մարդիկյանին 2014թ. օգոստոսին մեղադրել էին ծպտյալ մարմնավաճառ աշխատող ոստիկանի նկատմամբ ոտնձգությունների մեջ։ Մարդիկյանը կնոջը 250 դոլար էր առաջարկել ծառայություններից օգտվելու համար։
Միջադեպից երեք ամիս անց Մարդիկյանը դատական հայց էր ներկայացրել Գլենդել քաղաքի դեմ։ Հայցը բավարարվել է, եւ նրան ամսական 10579 դոլար աշխատավարձ են նշանակել, մինչեւ թոշակի անցնելը: