Ավստրալիայում ձկնորսներն ավելի քան 600 կգ կշռող շնաձուկ են որսացել եւ լուսանկարը կախել են ֆեյսբուքում: Որսը համաշխարհային ռեկորդի կոչման է հավակնում, տեղեկացնում է Gazeta-ն` վկայակոչելով The Sydney Morning Herald-ին:
Ձկնորսների արած լուսանկարը արագ ժողովրդականություն է ձեռք բերել ձկնորսական տարբեր ֆորումներում: Սակայն սոցցանցերի օգտատերերը հավանություն չեն տվել երեք ավստրալացու ձկնորսական արարքին:
«Էյ, տղերք: Ամբողջ կյանքում ձկնորսություն անելն ու էս տեսակ ձկանը սպանելը ոչ մի բանով չի տարբերվում հրազենով առյուծ կամ բենգալյան վագր սպանելուց: Չէ՞ որ կարելի էր ուղղակի նշան անել վրան ու բաց թողնել», — լուսանկարը մեկնաբանել է սոցցանցի օգտատերը:
Արդյունքում լուսանկարի տակ բանավեճ է սկսվել մարզական ձկնորսության առավելությունների եւ թերությունների մասին:
